مجموعه قصآئديه .. ( محمد السهلي ..) ..!!

[ندعوك للتسجيل في المنتدى أو التعريف بنفسك لمعاينة هذا الرابط]

الشاعر: محمد بن جارالله السهلي
غني عن
التعريف ..
يحيك الكلمآت بـِ أعجوبه .. وينثر جوآهر
شفويه تضيئ على مر الأحزآن
كل قصيدة يطرحهآ .. تتحدث أن
فيهآ ممآ يسلب الألبآب أكثر ..
..

اسبوع
[ندعوك للتسجيل في المنتدى أو التعريف بنفسك لمعاينة هذا الرابط]
أسبوع مرّ !! ولاوصل منك مرسـال
ياقوّ قلبك
كيف تقطعنـي أسبـوع ؟!
الجوع كافر ! وانت ماترحـم الحـال
وانا عليك
من الولـه ميـت ٍ جـوع
ياللي غيابك صعب يطري على البـال
تركتنـي
ضايـق وحايـر ومفجـوع
ماكنّـي الا: شايـب ٍ فاقـد
عـيـال
وماكنك الا: محرم ٍ حق مشـروع !!
يفوع لك
قلبـي ليـا مـر الاطـلال
ياليت مالـي قلـب يشتـاق ويفـوع
حسبي عليك
شلـون قطعـت الامـال
بآآآموت لاصار الامل فيـك مقطـوع
ياصاحبـي
ماكـل نـزّال رحّــال
انت الحيّا من وين مارحت متبـوع
!!
نسيانـي لـزول ٍ بالاعمـاق يختـال
اصعب على صاحبك
من حبة الكـوع
لو الثمن في شوفتـك عمـر رجـال
كان الثمن
من يوم ماغبت مدفـوع !!
ولو القدر مـا تـم قولـه ليـا
قـال
ماضاق صدر ولا انحنى راس مرفوع
ياصاحبي عشقتنـي
فعـل وخصـال
وانا عشقتك شعر واحساس وطبـوع
وشلون
تتركني كذا لا اشهـب الـلال
وقدّام عيني تجف ينبوع .. ينبـوع
!!
وانا عشانـك جيـت والغيـم همّـال
اسيّـل الوديـان
واداحـم جـمـوع
ماردّنـي عنـك سواليـف عــذال
تزعل عليّ
ربوع وتقـدّر ربـوع !!
كان المهم اعيشـك جنـون ووصـال
ويكون لي
كلمه ولـي راي مسمـوع
واليوم ضاقت بي من الجـال للجـال
فرقاك تقصم
ظهـر وتحـز وتلـوع
لو جيت شفت الحال ماسرّك الحـال
في غيبتك
ضايق وحايـر ومفجـوع
هذا غياب اسبوع وشلون لـو طـال
طالبك ..
لايطوّل غيابك عن اسبوع !!!!

اصعب سؤال
[ندعوك للتسجيل في المنتدى أو التعريف بنفسك لمعاينة هذا الرابط]

اصعب سؤال اللي جوابه للأسف مثله ( سؤال ) !!
ما هو
تفلسف !! الا موقف صار واسمع " ثاني بيت"

البارحه يومه سأل : ( وش ذكرك ذيك الليال ؟ )
كان الجواب
بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شي محال !!
لكنها صارت
كذا ! واللي (( اهم )) اني دريت :

ان الحياه فبعد احبابك اذا جف الوصال
اتعيشها لو
تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال
ما كانت
العبره تولجني اليامنك طريت ؟!

شفني قدرت احبس دموعي بس ( دمع القاف ) سال
ويا كبرها
ساكت ولكن داخل اوراقي بكيت !!

عمر الحكي ما كان دافي لاابتدى بقولة تعال
لجل اتجاهل
رجفة حروفي اليامني حكيت ..

الحال في بعدك قسم بالله ما اسميه حال
انوي على
الضحكه واحس كلي خطا لاني نويت ؟!

اتصور انك من رحلت اشوفك لجسمي ظلال
لا شفته امشي
ببتعد واثره معي مهما مشيت !!

مدام يعني في بحرك لفرحتي مليون جال
وش فيه
موجك ما ركد ؟ قربت اموووت وما رسيت ..

يرضيك ما عادت معي تفرق اذا جالك مجال
لاني
اقتنعت انك نهايه واني ببطي ما بديت !!

صرت ( اعقد حجاجي ) اذا جابوك باطراف الجدال
وانا قبل
لاقالوا اسمك كني : ميت ثم حييت ..

تعبت اعيش الدور وافتح للمعاذير الخيال
واتخيل اني
جيت في بالك وبانك استحيت ..

وتردلي كلك (( وله )) وتقول : ( كن البعد طال؟ )
ومن الفرح
ما عاتبك واقول : ( ياخي مابغيت ! )

حتى وانا تخيل حشمتك ! لن قلبي لا يزال
يكرر اسمك
داخل اعماقي بنبضه لا سهيت ..

قلي شسوي فيك ؟ وانت بداخلي اصدق مثال
للحب
واحساس القصيد ان عانق الليل وسريت ..

ربي يصبرني على الفرقا مدام الحظ مال
وانت
بيجيلك يوم تعرف ليه في بعدك شكيت ..

واذا بلاك الله وعذبك اشتياقك (( بس تعال ))
واقرى
القصايد في غيابك كل ابوها بيت ... بيت ..

بتدرى ان ( اصعب سؤال ) اللي يجي رده ( سؤال )
لا قلتلي (
وش ذكرك ؟ ) ثم قلتلك ( متى نسيت ؟ )