ياويل قلبي كل مااشتقت لقياه..
وشلون ماتشتاق عيني لعينه..
أنا أدري إني حيل أحبه وأهواه..
وأنا أدري إن القلب صار بيدينه..
حاولت أنا أكتم عبرتي يوم فرقاه..
وألملم جروح الزمان الطعينه..
وأضيع به في زحمة الناس وأنساه..
وأنسى معه ذكرى السنين وحنينه..
لقيت نفسي كل ما حل طرياه..
عروق قلبي كلها تقول وينه..
((ماكل من يضحك سعيد بدنياه..
وماكل من يبكي دموعه حزينه))..
أحدن بكى والكل يدري عن بكاااااه..
وأحدن مع الضحكه تحس بونيييينه..
ياشين فرقى الحب وياشين بلواه..
والمشكلة دنيا بلا حب شينه..
كن الفضا في غيبته ضاق مسعاه..
وكني غريق ينتظر له سفينه..
شف دنيتي ياصاحبي عقب فرقاه..
مثل الظلام اللي حصل بالمدينه..(حائل)
باكتبه أنا في صفحة الشعر وأقراه..
وباذبحه بزود الغلا دون سكينه..
وبارسمه في لوحة الشعر وانعاه..
وبادفنه بين الضلوع الحنينه..
بوسط الحشا في داخل الصدر مثواه..
إما يسار القلب وإلا يمينه..
.....
المشاركات
معدل تقييم المستوى
الأربعاء فبراير 10, 2010 3:41 pm
نعتذر عن حذف وايقاف اي عضو
يستخدم بريد وهمي او غير صحيح او اسم غير لائق على ذلك جرى التنبيه 
