اصل تقاليد رمضان

كل سنه وانتوا طيبين و رمضان كريم

من زمان وأنا نفسى أعرف ايه علاقة القطايف برمضان و معنى وحوى يا وحوى انا دورت كده وبحثت لحد ما قدرت اجيبلكوا معلومات مفيده و بسيطة..

وحوى يا وحى اياحا وكمان وحوى اياحا طبعا كلنا بنحب الاغنيه دى وبنغنيها من ايام ما كنا صغيرين ومش عارفين معناها ايه

" وحوى يا وحوى اصلا كلمه فرعونيه
وحوى معناها رمضان
والياحه معناها القمر "

لو حد بقى يعرف يعنى ايه "حلو يا حلو" ياريت يقولنا او لو عندكوا معلومات زياده؟؟


[ندعوك للتسجيل في المنتدى أو التعريف بنفسك لمعاينة هذه الصورة]

اما بقى عن علاقه الكنافه والقطايف برمضان

الكنافه متفق ان اصلها كان ايام الفاطميين فى بيقولوا انها ف الاول كانت طعام الخلفاء وان الخليفه معاويه ابى سفيان كان بيحب ياكلها ف السحور ومن هنا انتقلت للناس وبقوا بيحبوا يياكلوها

واصبحت طعام الاغنياء والفقراء ولقد تغنى بها شعراء بنى اميه فى قصائدهم ويقال ان ابن الرومى كان معروفا بعشقه للكنافه والقطايف وتغنى بهم فى شعره

وهناك حكايه اخرى تقول ان الكنافه ترجع للاحباب فيقال ان احد غضبت عليه زوجته وغادرت منزلها متجهه الى بيت اهلها وظل الخصام ممتدا حتى شهر رمضان وحاول الكثير الاصلاح بينهم ولكنهم فشلوا ولكن عند اقبال الشهر الكريم تذكر الزوج حب كنافه زوجته وتذكرت الزوجه انه يحب كنافتها فبعثت بصنيه كنافه الى منزله فما كلن من الزوج الاان اخذ الصينيه وذهب الى بيت اهلها ليفطرا بها هما الاثنين وعنما دخل عليها فرحت الزوجه كثيرا ورجعا معا الى منزلهما بعد الافطار فاستطاعت الكنافه انت تصنع ما لم يصنعه احد

القطايف معرفتش علاقتها برمضان اكيد لما اعرف هقولكوا او لو عرفتوا تقولولنا برضه؟؟

ام على يحكى ان ام المنصور اللى هى ام على برضه زوجه عز الدين ايبك عندما انتقمت من شجره الدر وقتلتها هى وحاشيتها بالقباقيب كما يقال المهم احتفلت ام على بالمناسبه وظلت تقدم حوالى شهر طبق من السكر واللبن واالعيش ومن هنا اطلق على الطبق ام على واحبه المصريون جميعا


بس دى كل المعلومات اللى عندى وكل سنه وانتم طيبين ورمضان كريم